Արգենտինայի արդարադատության նախարարության` Խտրականության, օտարազգիների նկատմամբ թշնամության եւ ռասայականության դեմ պայքարի ազգային ինստիտուտի (INADI) տնօրեն Մարիա Խոսե Լուբերտինոն հայտարարել է, որ օրենքի նախագիծ են պատրաստել` «Հոլոքոսթը, Հայոց ցեղասպանությունը եւ Արգենտինայում ռազմական դիկտատուրայի ժամանակաշրջանում պետական ահաբեկչության մերժումը հանցագործություն համարելու մասին»: «Արգենտինայի հրեական միությունների տանիք» (DAIA) կազմակերպության գլխավոր քարտուղար եւ INADI-ի ղեկավարման խորհրդի անդամ Միգել Անգել Զեխիի աջակցությամբ օրինագծի քննարկումներն արդեն սկսված են եւ առաջիկա երկու ամիսների ընթացքում կներկայացվի այդ երկրի խորհրդարանի հաստատմանը: