Զատկական փառատոնի նախաձեռնող եւ գեղարվեստական ղեկավար Վալերի Գերգիեւը մտադիր է Մարիինյան թատրոնի նվագախմբի եւ մենակատարների հետ այցելել Երեւան: Սա փառատոնի առաջին հյուրախաղը կլինիՙ ծրագրված երկու համերգով, չնայած Գերգիեւը պատրաստ է երեւանյան համերգների թիվը կրկնապատկել: Այս մասին տեղեկացնում է ռուսական «Գազետան»: Նույն աղբյուրի հաղորդմամբ, Զատկական փառատոնն այս տարի կներառի Ռուսաստանի 28 քաղաքՙ Մուրմանսկից մինչեւ Խաբարովսկ: Համերգները կլինեն 100-ը, 10 երկրների 500 կատարողների մասնակցությամբ: Ինքըՙ Գերգիեւը Մարիինյան թատրոնի նվագախմբի եւ մենակատարների հետ կլինի 11 քաղաքներում, երիտասարդ երգիչների ակադեմիայի արտիստներն էլ հանդես կգան 9 քաղաքներում, իսկ երգչախմբային ելույթներ կլինեն 12 քաղաքներում:
Ն. Պ.