Ինչպես տեղեկացանք «Հիդրոմետ» ծառայության օդերեւութաբանական կենտրոնի պետ Զարուհի Պետրոսյանից, առաջիկա 4-5 օրերին սպասվում է ջերմաստիճանի բարձրացում:
Մինչեւ մարտի 15-ը Արարատյան դաշտում բացասական ջերմաստիճաններ չեն սպասվում: Ամենացածր ջերմաստիճանը կլինի +1 գիշերը, իսկ ցերեկը, մարտի 10-ին, 11-ինՙ 12-12 աստիճան տաքություն, մարտի 12-ին եւ 13-ինՙ մինչեւ 17 աստիճան տաքություն է սպասվում: Այդ օրերին լեռնային շրջաններում կդիտվի մինչեւ 6 աստիճան տաքություն, իսկ գիշերըՙ 0-5: Սպասվում է առավելապես առանց տեղումների եղանակ: Մարտի 14-ին եւ 15-ին կա տեղումների հավանականություն:
Երեւանում մինչեւ մարտի 14-ը սպասվում է առանց տեղումների եղանակ: 15-ին հնարավոր են տեղումներ, անձրեւ եւ ամպրոպ: Ջերմաստիճանը գիշերը կլինի 2-5, ցերեկըՙ 13-17 աստիճան տաքություն: Մարտի 15-ին սպասվում է օդի ջերմաստիճանի որոշ նվազում: Նախորդ տարվա մարտի հետ համեմատածՙ փոփոխություն գրեթե չկա, նույն տաք եղանակն է սպասվում, տեղեկացրեց մասնագետը:
Մ. Մ.