Եվրոմիության «Արեւելյան գործընկերություն» ծրագիրը նախատեսում է հեռանկարում անայցագրային կարգ հաստատել ծրագրում ընդգրկված հետխորհրդային երկրների` Հայաստանի, Ադրբեջանի, Բելառուսի, Վրաստանի, Մոլդովայի եւ Ուկրաինայի համար: Այդպիսի դրույթ կա հինգշաբթի Բրյուսելում բացված ԵՄ գագաթաժողովի հայտարարության նախագծում, հաղորդում է «Ինտերֆաքսը»: Փաստաթղթում, որ ներկայացված է Եվրոմիության կայքում, նշվում է, որ այդ երկրների հետ վիզային ռեժիմի ազատականացման ուղղությամբ քայլեր կձեռնարկվեն «երկարաժամկետ հեռանկարում եւ անհատական կարգով»: