Կենտրոնական բանկի խորհուրդը մարտի 24-ի նիստում, որը վարում էր ԿԲ նախագահ Արթուր Ջավադյանը, հաստատեց ՀՀ ԿԲ ֆինանսական դիտարկումների կենտրոնի 2008 թ. գործունեության հաշվետվությունը: Փոփոխություն կատարվեց «Ապահովագրական գործունեության հիմնական տնտեսական նորմատիվների չափը, ձեւավորման եւ հաշվարկման կարգը» կանոնակարգ 3/02-ում:
Խորհուրդը որոշեց վերաձեւակերպել «Ոսկե շղթա» ՍՊԸ գրավատան լիցենզիան, «Ա/Ձ Անահիտ Ավագյան» փոխանակման կետի արտարժույթի առուվաճառքի թիվ 606 լիցենզիան եւ «ՍԱԲ ՏՐԱՍՏ» ՍՊԸ-ի փոխանակման կետի արտարժույթի առուվաճառքի թիվ 693 լիցենզիան:
«ԿԱՍԿԱԴ ԻՆՇՈՒՐԱՆՍ» Ապահովագրական ՓԲԸ-ի ոչ կյանքի ապահովագրության լիցենզիան վերաձեւակերպվեցՙ կապված ընկերության հասցեափոխության հետ:
ԿԲ կառավարման բարձրագույն մարմնի որոշմամբ «Հայէկոնոմբանկ» ԲԲԸ-ին «Լիդեր» արտասահմանյան վճարահաշվարկային համակարգում մասնակցության թույլտվություն տրամադրվեց:
ԿԲ հասարակայնության հետ կապերի ծառայություն