Երեւանի Կենտրոն եւ Նորք-Մարաշ համայնքների առաջին ատյանի դատարանը` Գ. Ավետիսյանի նախագահությամբ, Ֆրանսիայի քաղաքացի Սարգիս Հացպանյանին մեղավոր ճանաչեց քրեական օրենսգրքի 333 հոդվածի երկրորդ մասի առաջին կետով («Սուտ մատնություն, որ կատարվել է ծանր կամ առանձնապես ծանր հանցագործության մեջ մեղադրելով) եւ դատապարտեց 3 տարի 6 ամիս ժամկետով ազատազրկման: Ս. Հացպանյանին մեղադրող Արամ Ամիրզադյանը միջնորդել էր նրան դատապարտել 4 տարի 6 ամիս ժամկետով ազատազրկման: Մինչ դատավորի խորհրդակցական սենյակ մտնելը ամբաստանյալը հանդես եկավ ծավալուն` 33 էջ կազմող, վերջին խոսքով: Ս.Հացպանյանը դարձյալ պնդեց, որ իր դեմ հարուցված գործը «փնթի թխված գործ է» եւ խտրական վերաբերմունքի արդյունք: Ամբաստանյալը հայտարարեց նաեւ, որ ինքը ՀՀ քրեական օրենսգրքի որեւէ հոդված չի խախտել եւ ոչ մի մեղք չի գործել, հաղորդում է «Նոյյան տապանը»: