ԼՂՀ Մարտակերտի շրջանում, տրակտորով գյուղատնտեսական աշխատանքներ իրականացնելիս ական է պայթել: Ինչպես «Արմենպրեսին» տեղեկացրեց Մարտակերտի քաղաքացիական պաշտպանության շտաբի պետ Մովսես Հովսեփյանը, տրակտորիստի կյանքը փրկվել է` նրան ժամանակին հիվանդանոց տեղափոխելով: Դեպքի վայր ժամանած HALO TRUST ականազերծող կազմակերպության սակրավորները նոր հակատանկային ականներ են հայտնաբերել ու վնասազերծել: Ըստ Մ. Հովսեփյանի` վայրը, որտեղ տեղի է ունեցել դժբախտ պատահարը, ժամանակին թեժ մարտական գործողությունների գոտի է եղել: