Այսօրվա դրությամբ Սեւանա լիճը ծովի մակերեւույթից գտնվում է 1899,05 մ բարձրության վրա, ինչը 5 սմ-ով ցածր է նախորդ տարվա նույն օրվա նիշից: Հունվարի 1-ից մինչեւ օրս «Արփա-Սեւան» թունելով Սեւանա լիճ է տեղափոխվել 50,561 մլն խմ ջուր (2008-ի նույն ժամանակահատվածում` 102,911 մլն խմ): Մայիսի սկզբից մինչ օրս լճից ոռոգման նպատակով բաց է թողնվել նաեւ 0,615 մլն խմ ջուր: Ներկայումս վարար են Արփա, Փամբակ, Ծղուկ եւ Մարտունի գետերի ելքերը: Ինչպես «Արմենպրեսին» ասացին ՀՀ բնապահպանության նախարարության ջրային ռեսուրսների կառավարման գործակալությունում, մայիսի 5-ին ջրի ելքերի մեծացումներ են սպասվում նաեւ Աղստեւ, Դեբեդ, Քասախ, Հրազդան եւ Ազատ գետերում: