Սուսերամարտի Հայաստանի երիտասարդական հավաքականը Քութայիսում կմասնակցի միջազգային մրցաշարի: Նրա մրցակիցները կլինեն Վրաստանի, Ադրբեջանի եւ Թուրքիայի հավաքականները: Մրցաշարն արդեն ավանդական է դարձել: Անցյալ տարի մեր սուսերամարտիկները նվաճել էին 2 ոսկե մեդալ: Մրցաշարում Հայաստանը հանդես կգա 11 սուսերամարտիկով: Այն մեր մարզիկների համար ուժերի լավ ստուգատես կլինի առաջիկայում կայանալիք պատասխանատու մրցաշարերից առաջ:
Մայիսի 14-ին Երեւանում կմեկնարկի սուսերամարտի Հայաստանի մեծահասակների առաջնությունը, որի արդյունքներով կկազմավորվի հանրապետության հավաքականը: Մեր սուսերամարտիկները մասնակցելու են հուլիսին Բուլղարիայի Պլովդիվ քաղաքում կայանալիք Եվրոպայի առաջնությանը եւ Բելգրադում տեղի ունենալիք համաշխարհային ունիվերսիադային:
ԱՇՈՏ ՀԱՅՐԱՊԵՏՅԱՆ