Նախկին «Յոթի գործով» մեղադրյալներից Շանթ Հարությունյանն անմեղսունակ է ճանաչվել եւ «Վարդաշեն» քրեակատարողական հիմնարկից ազատ է արձակվել: Ինչպես «Արմենպրեսին» տեղեկացրին վճռաբեկ դատարանից, ստացված փորձագիտական եզրակացության համաձայն` հանցանքի կատարման ժամանակ Շ. Հարությունյանը եղել է անմեղսունակ, սակայն այժմ վիճակն այնպիսին է, որ հարկադիր բուժման կարիք չունի: Շանթ Հարությունյանի վերաբերյալ ՀՀ քրեական օրենսգրքի 225 հոդվածի 1-ին մասով քրեական գործը գտնվում էր Երեւանի Կենտրոն եւ Նորք-Մարաշ համայնքների ընդհանուր իրավասության դատարանում` դատավոր Էդիկ Ավետիսյանի վարույթում: Վերջինս էլ հիմք ընդունելով փորձագիտական եզրակացությունը` կայացրել է Շ. Հարությունյանի նկատմամբ քրեական գործը կարճելու որոշում: