Օրերս Ռումինիայի գրողների միության դահլիճում տեղի է ունեցել հայ արդի արձակի անթոլոգիայի շնորհանդեսը: Անթոլոգիան ներառում է ժամանակակից 12 հայ հեղինակների ստեղծագործություններ: Գրքի հրատարակումը արգասիքն է Հայաստանի եւ Ռումինիայի գրողների միությունների միջեւ մոտ երկու տարի առաջ սկիզբ առած համագործակցության, որին հնարավորինս աջակցում են Ռումինիայի հայոց միությունն ու Բուխարեստում Հայաստանի դեսպանությունը, որոնք էլ Ռումինիայի գրողների միության հետ կազմակերպել էին շնորհանդեսը: Համագործակցության նույն շրջանակում Հայաստանում կհրատարակվի ռումին գրողների անթոլոգիա:
Ն. Պ.