«ԱԶԳ» ՕՐԱԹԵՐԹ

ՀԱՋՈՂՈՒԹՅՈՒՆՆ ՈՒՂԵԿՑԵՑ ՇԻՐՈՎԻՆ

Սոֆիայում ավարտվեց 6 ուժեղագույն գրոսմայստերների մրցավեճը: Հաջողությունն ուղեկցեց Իսպանիայում բնակվող Ալեքսեյ Շիրովին: Նա 10 հնարավորից վաստակեց 6,5 միավոր եւ դարձավ մրցաշարի հաղթող: Ավարտական երկու տուրերում Շիրովը վաստակեց 1,5 միավորՙ ոչ-ոքի խաղալով Դոմինգեսի հետ եւ հաղթելով Կառլսենին:

Առաջատարին կես միավոր զիջեցին Մագնուս Կառլսենն ու Վեսելին Թոփալովը: 9-րդ տուրում Կառլսենը հաղթեց Վան Յուեին: Թոփալովը նախ հաղթեց Վասիլի Իվանչուկին, ապա ոչ-ոքի խաղաց Վան Յուեյի հետ: Վերջինս 4,5 միավորով գրավեց 4-րդ տեղը: Նրան կես միավոր զիջեց Դոմինգեսը: Մրցաշարում անհաջող խաղաց Վասիլի Իվանչուկը, որը 3 միավորով եզրափակեց աղյուսակը:

ԱՇՈՏ ՀԱՅՐԱՊԵՏՅԱՆ