Թուրքական դատարանը 3,3 տարվա ազատազրկման է դատապարտել «Ակօս» շաբաթաթերթի էլեկտրոնային հասցեին սպառնալիքներ ուղարկած Մեհմեդ Քարային: Դատական նիստին «Ակօսը» ներկայացրել է Սարգիս Սերբյանը, իսկ ամբաստանյալը չի մասնակցել դատալսմանը: Մեհմեդ Քարայը Հրանտ Դինքի սպանությունից հետո սպառնալիքներ էր ուղարկել «Ակօսի» աշխատակիցների եւ ընդհանրապես Թուրքիայում ապրող հայերի հասցեին: «Հայրենիքի դավաճանները վաղ թե ուշ իրենց պատիժը կստանան այս հայրենիքի զավակների կողմից: Այս հողերում ապրելու իրավունք չունեք...», «Ակօս»-ի էլեկտրոնային հասցեին ուղարկած նամակում գրել էր Մեհմեդ Քարայը, հաղորդում է «Նոյյան տապանը»: