Երեկ ՀԱՕԿ-ի նախագահ Գագիկ Ծառուկյանը դրամական պարգեւներ հանձնեց Եվրոպայի առաջնությունում մեդալների արժանացած ըմբիշներին, նրանց անձնական մարզիչներին ու հավաքականների մարզիչներին: Պարգեւատրվեցին Եվրոպայի չեմպիոն, հունահռոմեական ոճի ըմբիշ Արսեն Ջուլֆալակյանն ու նրա անձնական մարզիչ Սամվել Գեւորգյանը: Դրամական պարգեւներ ստացան նաեւ Եվրոպայի առաջնության բրոնզե մեդալակիրներ, ազատ ոճի ըմբիշներ Էդգար Ենոքյանն ու Ժիրայր Հովհաննիսյանը, նրանց անձնական մարզիչներ Էդիկ Թունյանցն ու Ժորա Հովհաննիսյանը: Պարգեւներից անմասն չմնացին հունահռոմեական ոճի ըմբշամարտի ՀՀ հավաքականի ավագ մարզիչ Լեւոն Ջուլֆալակյանը, երկրորդ մարզիչ Էդիկ Սահակյանը, բժիշկ Զավեն Հարությունյանը, ազատ ոճի ըմբշամարտի ավագ մարզիչ Արայիկ Բաղդատյանը, երկրորդ մարզիչ Ռոբերտ Խաչատրյանն ու բժիշկ Գագիկ Ավետիսյանը:
Դրամական պարգեւի արժանացան նաեւ Շվեդիայի Մալմյո քաղաքում անցկացված թհեքվոնդոյի Եվրոպայի երիտասարդական առաջնության բրոնզե մրցանակակիր Վահրագ Աղափանյանը, նրա անձնական մարզիչ Սարգիս Սարգսյանն ու հավաքականի մարզիչ Գեւորգ Դանիելյանը:
ԱՇՈՏ ՀԱՅՐԱՊԵՏՅԱՆ