Ազգային ժողովի կողմից հաստատված տարեկան ծրագրին համապատասխան ՀՀ Վերահսկիչ պալատը սեպտեմբերի 2-ից ստուգումներ է իրականացնելու Շիրակի մարզում: Մարզի համայնքների, մարզային ենթակառուցվածքների եւ մարզպետարանի վարչությունների ղեկավարների հետ անցած հինգշաբթի Գյումրիում կազմակերպված հանդիպման ժամանակ այս մասին տեղեկացրել է պալատի նախագահ Իշխան Զաքարյանը: Նախատեսվում է մարզի համայնքներում ստուգել 2007-2008 թթ., հնարավոր է` նաեւ 2009 թ. ֆինանսատնտեսական գործունեությունը: Ստուգումները տեւելու են 24 աշխատանքային օր, սակայն հարկ եղած դեպքում այդ ժամկետը կարող է երկարաձգվել եւս 12 օրով:
Վերահսկիչ պալատի նախագահը համայնքային եւ մարզային օղակների ղեկավարներին հորդորել է աջակցել ստուգող հանձնաժողովներին, խոստանալով ստուգումների ավարտից հետո տեղում նորից հանդիպել եւ հրապարակավ ներկայացնել արդյունքները:
Գ. Մ.