Հոկտեմբերի 28-ին կայացած ԼՂՀ ԱԺ հերթական նիստում ՀՅԴ-Շարժում-88 խմբակցության ղեկավար Արմեն Սարգսյանը հանդես է եկել հայտարարությամբ, որում մասնավորապես ասել է.
«Ինչպես գիտեք, աշխարհի մի շարք երկրներում ընդունվել է օրենք, որը դատապարտում է Հայոց ցեղասպանությունը: Ավելին, այդ երկրներից շատերում կա լրացուցիչ օրենք, ըստ որիՙ այն քաղաքացիները, ովքեր ժխտում են Հայոց ցեղասպանությունը, ենթարկվում են քրեական պատասխանատվության:
Լեռնային Ղարաբաղի Հանրապետության ժողովուրդը համաժողովրդական հանրաքվեով ընդունել է սահմանադրություն, որտեղ հստակ ամրագրված են մեր սահմանները եւ տարածքային ամբողջականությունը:
Ես խոսքս ուղղում եմ ԼՂՀ իրավապահ մարմիններին եւ առաջարկում. բոլոր այն քաղաքացիները, ովքեր փոխզիջման կամ այլ տարբերակների ենթատեքստում են խոսում եւ կասկածի տակ են դնում մեր տարածքային ամբողջականությունը, պետք է քրեական պատասխանատվություն կրեն, որովհետեւ սա ոչ թե այլակարծության կամ ժողովրդավարության դրսեւորում է, այլ հակասահմանադրական քայլ է, իսկ նման քայլը պետք է ենթարկվի քրեական պատասխանատվության»:
Հ. Ա.