Հոկտեմբերի 29-ին Բաքու ժամանած թուրքական Մեջլիսի պատգամավորական խումբը, որը գլխավորում էր Մեջլիսի արտաքին հարաբերությունների հանձնաժողովի նախագահ Մուրադ Մարջանը, հանդիպել է Ադրբեջանի արտաքին գործերի նախարար Էլմար Մամեդյարովի հետ:
Խոսելով ղարաբաղյան հակամարտության մասին` Մարջանը, շարունակելով «լավագույն թուրքական ավանդույթները», հայտարարել է, որ քանի դեռ լուծված չէ Ղարաբաղի հարցը, Մեջլիսը չի վավերացնի հայ-թուրքական արձանագրությունները, եւ սահմանը չի բացվի:
Մամեդյարովն էլ իր հերթին տեղեկացրել է թուրք պատգամավորներին բանակցային ներկա փուլի մասին` շեշտելով, որ տարածաշրջանի լիարժեք անվտանգությունը, խաղաղությունը եւ զարգացումը պայմանավորված են «միայն ու միայն Ղարաբաղի հարցի լուծմամբ, այն է` օկուպացված ադրբեջանական հողերից հայկական զինված ուժերի դուրսբերումը»:
Հ. Ա.