Արտաքին գերատեսչության` 2010 թվականի բյուջեում տող կա Վրաստանում լույս տեսնող «Վրաստան» հայալեզու թերթի ֆինանսավորման մասին: Սակայն ԱԺ պատգամավոր Շիրակ Թորոսյանն այն կարծիքին է, եւ այդ մասին ասաց արտգործնախարար Էդվարդ Նալբանդյանին, որ վերջին շրջանում, Վրաստանի նախագահի խորհրդական Վան Բայբուրթը հանդիսանում է թերթի խմբագիրը, եւ «Վրաստանը» աշխարհի միակ հայատառ պարբերականն է, որ Վահագն Չախալյանի դատավճիռն արդարացի է համարում, արդարացնելով վրաց իշխանությունների հայատյաց քաղաքականությունը Ջավախքում: Պատգամավորն առաջարկեց չֆինանսավորել այդ թերթը: