Ազգային անվտանգության խորհրդի քարտուղար Արթուր Բաղդասարյանը նոյեմբերի 16-ին ընդունել է Հայաստանում Գերմանիայի Դաշնային Հանրապետության նորանշանակ դեսպան Հանս-Յոհան Շմիդթին :
Քննարկվել են հայ-գերմանական երկկողմ հարաբերություններին վերաբերող հարցեր: Արթուր Բաղդասարյանը բարձր է գնահատել Գերմանիայի ներգրավվածությունը Հայաստանում տարբեր ծրագրերի իրականացման գործում եւ հույս է հայտնել, որ Հանս-Յոհան Շմիդթը պաշտոնավարման ընթացքում կարեւոր ներդրում կունենա տարբեր ոլորտներում հայ-գերմանական համագործակցության առավել զարգացման գործում:
Անդրադարձել է եղել նաեւ Հայաստանի` միջազգային կառույցների հետ համագործակցության խնդիրներին, մասնավորապես` Հայաստան-Եվրոմիություն համագործակցության ծրագրին:
Դեսպանի խնդրանքով Արթուր Բաղդասարյանը ներկայացրել է հայ-թուրքական հարաբերությունների կարգավորման ընթացքը:
Ազգային անվտանգության խորհրդի քարտուղարի մամուլի գրասենյակ