Երիտասարդական կանաչ շարժման ակտիվիստ Մարիամ Սուխուդյանի գործն ուղարկվել է լրացուցիչ հետաքննության: Ըստ փաստաբան Նոնա Գալստյանի , նախնական հետաքննության ողջ ընթացքում առաջին անգամ իրավապահ մարմինները բավարարեցին պաշտպանության ներկայացրած երկու միջնորդությունները:
Այժմ Սուխուդյանը մեղադրվում է զրպարտության մեջ` ՀՀ քրեական օրենսգրքի 135 հոդվածի 1-ին կետով: Նախաքննության ընթացքում ՀՀ ոստիկանության քրեական գործերի Էրեբունու վարչության քննիչները մի քանի անգամ փոխել են Մարիամ Սուխուդյանի դեմ ուղղված մեղադրանքի հոդվածը, սակայն Սուխուդյանն իրեն մեղավոր չի ճանաչել առաջադրված ոչ մի հոդվածով:
Լրացուցիչ հետաքննությունը կվարի քննիչ Վիգեն Մեսրոպյանը, որը մինչեւ հիմա անցկացնում էր տվյալ գործով քննչական գործողություններ: Փաստաբան Նոնա Գալստյանը հույս է հայտնել, որ արդարությունը կհաղթանակի, եւ պատիժը կկրեն իրական մեղավորները:
Հ. Հ.