Երեկ Ազգային ժողովն առաջին ընթերցմամբ փոփոխեց քրեական օրենսգրքի` լրագրողների մասնագիտական աշխատանքին խոչընդոտելու դրույթը: Այսուհետեւ լրագրողին կամ նրա ընտանիքի անդամներին սպառնալով` լրագրողի աշխատանքին խոչընդոտելը, տեղեկություն տարածելուց նրան ստիպողաբար հրաժարեցնելը պատժվում են 200-400 հազար դրամ տուգանքով կամ երկու տարվա հարկադիր աշխատանքով, կամ էլ մինչեւ 5 տարվա ազատազրկմամբ: