Հայաստանի նախագահ Սերժ Սարգսյանը դեկտեմբերի 2-ին այցելել է Ավետիք Իսահակյանի` Երեւանում գտնվող տուն-թանգարանը, որը հիմնանորոգվել է Հայաստանի սոցիալական հիմնադրամի միջոցներով: Նա Վարպետի թոռան` Ավիկ Իսահակյանի ուղեկցությամբ շրջել է հիմնանորոգված տուն-թանգարանում, ծանոթացել մեծ բանաստեղծի կյանքին եւ գործունեությանը վերաբերող ցուցանմուշներին: Ս.Սարգսյանն ասել է, որ տպավորված է հիմնանորոգված թանգարանով եւ նշել, որ այն մշտական հոգածության կենտրոնում կլինի: