Խանտի Մանսիյսկում ընթացող շախմատի աշխարհի գավաթի խաղարկությունում հայտնի դարձան քառորդ եզրափակիչի առաջին մասնակիցները: Պայքարը կշարունակեն Պյոտր Սվիդլերը, Շահրիյար Մամեդյարովը եւ Սերգեյ Կարյակինը: 4-րդ փուլի հանդիպումների առաջին օրը կայացած 8 պարտիաներից միայն երկուսն արդյունավետ ելք ունեցան: Սեւ խաղաքարերով Սվիդլերը հաղթեց Շիրովին, Մամեդյարովը պարտության մատնեց Լազնիչկային: Մյուս պարտիաները, այդ թվում Կարյակին-Վիտյուգով մրցախաղն ավարտվեցին ոչ-ոքի:
2-րդ օրը Սվիդլերն ու Մամեդյարովն իրենց պարտիաներն ավարտեցին ոչ-ոքի եւ մտան քառորդ եզրափակիչ: Նրանց միացավ նաեւ Կարյակինը, որը հաղթեց Վիտյուգովին: Վաշիե-Լագրավ-Գելֆանդ, Հաշիմով-Կարուանա, Սո-Մալախով, Բաքրո-Պոնոմարյով, Գրիշչուկ-Յակովենկո մրցախաղերում հաշիվը հավասար է (1-1): Դրանց ելքը կորոշվի լրացուցիչ մրցախաղում:
ԱՇՈՏ ՀԱՅՐԱՊԵՏՅԱՆ