Այս հարցի պատասխանը կտրվի Լոնդոնի շախմատի մրցաշարի ավարտական տուրում: 25 հազար եվրո գլխավոր մրցանակին հավակնում են նորվեգացի Մագնուս Կառլսենն ու ռուսաստանցի Վլադիմիր Կրամնիկը: 6-րդ տուրում Կառլսենը հաշտություն կնքեց Ադամսի հետ, իսկ ահա Կրամնիկը շատ կարեւոր հաղթանակ տոնեց Շորթի նկատմամբ: Ավարտական տուրից առաջ Կառլսենը վաստակել է 12 միավոր, Կրամնիկը նրանից հետ է մնում մեկ միավորով:
7-րդ տուրում Կառլսենը սեւերով խաղալու է Շորթի հետ, իսկ Կրամնիկի մրցակիցը լինելու է ճապոնացի Հիկարու Նակամուրան:
7 միավորով 3-րդ տեղում է անգլիացի Լյուկ Մակշեյնը, որը պարտվեց Նի Հուային, Հաուել-Նակամուրա պարտիան ավարտվեց ոչ-ոքի:
6-ական միավոր ունեն Մայքլ Ադամսը, Նի Հուան եւ Դեւիդ Հաուելը: Նակամուրան, որ դեռեւս չի ճաշակել հաղթանակի քաղցրությունը, վաստակել է 5 միավոր, իսկ աղյուսակը 4 միավորով եզրափակում է Նայջլ Շորթը:
ԱՇՈՏ ՀԱՅՐԱՊԵՏՅԱՆ