Հայաստանի կրթության ու գիտության նախարարությունը տեղեկացնում է, որ հանրապետության բոլոր դպրոցներն ու մանկապարտեզները, որոնք փակվել են գրիպի համաճարակի պատճառով, դեկտեմբերի 21-ից կշարունակեն աշխատել: Նախարարությունից տեղեկացնում են նաեւ, որ ձմեռային արձակուրդը կսկսվի դեկտեմբերի 28-ին եւ կշարունակվի մինչեւ հունվարի 11-ը:
Հանրապետության գլխավոր համաճարակաբան Արա Ասոյանն էլ նշել է, որ սուր շնչառական վիրուսային հիվանդություններն ու գրիպը երկրում նահանջել են, նվազել է նաեւ այս պատճառով կանչերի թիվը: Ըստ Ասոյանիՙ Հայաստանում այլեւս չկա հիվանդությունների նախկին տարածվածությունը. «Այնուամենայնիվ ապահովության համար անհրաժեշտ է կրել բժշկական դիմակներ, չմասնակցել մասսայական միջոցառումներին եւ շատ օգտագործել վիտամին C», շեշտել է գլխավոր համաճարակաբանը:
Հավելենք նաեւ, որ Հայաստանում խոզագրիպով հիվանդների թիվը 92-ն է:
Հ. Ա.