ԱՄՆ-ում բնակվող հայազգի պրոֆեսիոնալ բռնցքամարտիկ Վանես Մարտիրոսյանը ամերիկյան Յանգսթաուն քաղաքում անցկացված մենամարտի 3-րդ ռաունդում տեխնիկական նոկաուտով հաղթեց ամերիկացի Ուիլի Լիին եւ նվաճեց առաջին միջին քաշային կարգում WBO NABO-ի աշխարհի չեմպիոնի տիտղոսը: 3-րդ ռաունդում նա երկու անգամ նոկդաունի ենթարկեց մրցակցին, որից հետո մրցավարը դադարեցրեց մենամարտը:
Նախկին աբովյանցի Վանես Մարտիրոսյանը պրոֆեսիոնալ ռինգում առայժմ անպարտելի է: Նա իր 26-րդ հաղթանակը տոնեց, որոնցից 17-ում մենամարտը դադարեցվել է ժամկետից շուտ: Ուիլի Լին 23-րդ մենամարտն էր անցկացնում: Նա 6-րդ պարտությունը կրեց, որից 5-ըՙ ժամկետից շուտ:
ԱՇՈՏ ՀԱՅՐԱՊԵՏՅԱՆ