Թեեւ ֆուտբոլի Հայաստանի մինչեւ 17 եւ 19 տարեկանների պատանեկան հավաքականներն անհաջող հանդես եկան Եվրոպայի պատանեկան առաջնության ընտրական մրցաշարում, սակայն մարզիչները պահպանեցին իրենց տեղը: ՀՖՖ նախագահ Ռուբեն Հայրապետյանի հրամանով հաստատվել են պատանեկան հավաքականների մարզչական կազմերը:
Մինչեւ 19 տարեկանների հավաքականը կրկին կգլխավորի Սեւադա Արզումանյանը, որին կօգնեն Աշոտ Բարսեղյանն ու Հայկ Կիրակոսյանը: Մինչեւ 17 տարեկանների հավաքականի հետ աշխատանքը կշարունակի Սուրեն Չախալյանն իր օգնականներ Ռոման Սիմոնյանի եւ Արմեն Ավագյանի հետ:
ԱՇՈՏ ՀԱՅՐԱՊԵՏՅԱՆ