ՍՈՖԻԱ, 8 ՓԵՏՐՎԱՐ, ՆՈՅՅԱՆ ՏԱՊԱՆ-ՀԱՅԵՐՆ ԱՅՍՕՐ: Բուլղարիայի խորհրդարանը հավանություն չտվեց Հայոց ցեղասպանությունը ճանաչելու առաջարկին: Ինչպես գրում է թուրքական Zaman թերթը, ԱՏԱԿԱ կուսակցությունը խորհրդարանական հանձնաժողովում Թուրքիային առնչվող երեք առաջարկ է ներկայացրել: Կուսակցությունը Բուլղարիայի խորհրդարանին կոչ է արել Անկարայից նյութական հատուցում պահանջել Թրակիայից տեղահան արված բուլղարացիների համար, 1896-1913թթ. իրադարձությունները բուլղարական ժողովրդի հանդեպ Օսմանյան կայսրության իրագործած ցեղասպանություն անվանել եւ ճանաչել 1915թ. Հայոց ցեղասպանության փաստը:
Խորհրդարանը մերժել է բոլոր երեք առաջարկները` հայտարարելով, որ Հայոց ցեղասպանության ճանաչումը կարող է բացասական հետեւանքներ ունենալ թուրք-բուլղարական հարաբերությունների համար: