Փետրվարի 15-ին Ամենայն հայոց կաթողիկոս Գարեգին Երկրորդը երկօրյա այցով մեկնեց Երուսաղեմի հայոց պատրիարքարան:
Գարեգին Երկրորդը նախագահ Սարգսյանի կողմից Երուսաղեմի հայոց պատրիարք Թորգոմ արքեպիսկոպոս Մանուկյանին կփոխանցի «Սուրբ Մեսրոպ Մաշտոց» շքանշանը գահակալության 20-ամյակի եւ ծննդյան տարեդարձի կապակցությամբ: Թորգոմ պատրիարքն արդեն 91 տարեկան է, հետեւաբար նրա հաջորդության հարցն օրակարգային է:
Գարեգին Երկրորդին ուղեկցում են Բրազիլիայի հայոց թեմի առաջնորդ Տաթեւ արքեպիսկոպոս Ղարիբյանը, Արգենտինայի հայոց թեմի առաջնորդ Գիսակ արքեպիսկոպոս Մուրադյանը, ԱՄՆ Արեւելյան թեմի առաջնորդ Խաժակ արքեպիսկոպոս Պարսամյանը եւ այլք:
Կաթողիկոսի հետ Իսրայել պետք է մեկներ նաեւ Հայաստանի վարչապետ Տիգրան Սարգսյանը, սակայն, ինչպես պաշտոնապես հայտարարվել է, վարչապետը չի մեկնել հիվանդության պատճառով:
Հ. Ա.