Ղազախստանի նախագահ Նուրսուլթան Նազարբաեւը Ադրբեջանի նախագահ Իլհամ Ալիեւին է փոխանցել ղարաբաղյան հակամարտության կարգավորման միջոցների փաթեթ: Այսպիսին է ձեւակերպումը այն տեղեկատվության մեջ, որ տարածել է «Ինտերֆաքս-Ադրբեջանը»` հղում անելով Ղազախստանի ԱԳՆ միջազգային տեղեկատվության հանձնաժողովի ղեկավար Ռոման Վասիլենկոյին:
Այդ առաջարկությունները Ալիեւ կրստերին է փոխանցել ԵԱՀԿ գործող նախագահ, Ղազախստանի պետքարտուղար-արտգործնախարար Կանատ Սաուդաբաեւը` փետրվարի 15-ին Բաքվում Ադրբեջանի նախագահի հետ հանդիպմանը:
Միեւնույն ժամանակ, Վասիլենկոն որեւէ մանրամասն չի հաղորդել, թե ինչ միջոցների ու դրանց փաթեթի մասին է խոսքը: «Ղազախստանը «ազնիվ բրոկերի» դերով է հանդես գալիս, որպես անկողմնակալ միջնորդ` աջակցելով ԵԱՀԿ միջնորդական ջանքերին եւ ԵԱՀԿ Մինսկի խմբի միջնորդներին», ասել է Ղազախստանի ԱԳՆ ներկայացուցիչը:
Ա. Հ.