Նախապատրաստական շրջանում էլ Դոնեցկի «Մետալուրգում» հանդես եկող Հենրիխ Մխիթարյանն աչքի է ընկնում արդյունավետ խաղով: Իսպանական «Մարբելյայի» հետ խաղում Հենրիխը դարձավ գոլի հեղինակ: Այդ խաղում «Մետալուրգը» հաղթեց 4-0 հաշվով:
Առաջին խաղակեսում «Մետալուրգի» կազմում հանդես եկավ Արտակ Դաշյանը, ընդմիջումից հետո խաղադաշտ մտավ Հենրիխ Մխիթարյանը: Հիշեցնենք, որ նա Մոսկվայի «Լոկոմոտիվի» հետ կայացած նախորդ խաղում էլ գոլի հեղինակ էր դարձելՙ փրկելով թիմին պարտությունից:
ԱՇՈՏ ՀԱՅՐԱՊԵՏՅԱՆ