Ավան եւ Նոր Նորք վարչական տարածքի ընդհանուր իրավասության դատարանը մերժել է «Ռադիո Հայ»-ի հայցադիմումն ընդդեմ Ազգային Ժողովի «Ժառանգություն» խմբակցության պատգամավոր Ստեփան Սաֆարյանի: Դատական վեճի պատճառ էր եղել ղարաբաղյան հիմնահարցի վերաբերյալ ռադիոկայանի կազմակերպած հրապարակային քննարկումը, որը հետագայում վերածվել էր բանավեճիՙ բաց նամակների եւ հոդվածների տեսքով:
Սաֆարյանը հայտարարել էր, որ եթեր հեռարձակվող «Հայկական անդրադարձ» ծրագիրը նախագահականից իջեցված պատվեր է: Կրքերն այնքան թեժացան, որ բանավեճը տեղափոխվեց դատարան: Ռադիոկայանը դատարանին խնդրել էր պարտադրել ԱԺ պատգամավորինՙ հերքել այդ ապատեղեկատվությունը: Սակայն դատարանը վճռել էր, որ «Ռադիո Հայ»-ի պահանջն անհիմն է:
Հ. Հ.