Երեկ ԱԺ գիտության, կրթության, մշակույթի, երիտասարդության եւ սպորտի հարցերի մշտական հանձնաժողովը Ազգային ժողովի նախագահի նախաձեռնությամբ խորհրդարանական լսումներ էր կազմակերպել ավագ դպրոցի ներդրման եւ միջնակարգ կրթության երրորդ աստիճանի իրացման հետեւանքների ու առկա հիմնախնդիրների վերաբերյալ: Այդ լսումների ժամանակ պատգամավորներն ու ոլորտի մասնագետները փորձել են անկեղծորեն անվանել ոլորտի խնդիրներն ու կոռուպցիոն ռիսկերը եւ մատնացույց անել դրանց լուծման օրենսդրական եւ գործառնական ուղիները: