Դաշնակահար Վահան Մարտիրոսյանն եւ թավջութակահար Ալեքսանդր Չաուշյանը (երկուսն էլ մրցանակակիր) փետրվարի 26-ին ելույթ են ունեցել «Հայկական ուսումնասիրությունների ծրագրի» եւ «Ֆիլիպ Լորենցի անվան հիշատակի համերգաշարի» հովանավորությամբ Ֆրեզնոյի պետհամալսարանում կազմակերպված համերգի ընթացքում, ներկայացնելով ինչպես հայ կոմպոզիտորների, այնպես էլ Դեբյուսիի եւ Շոստակովիչի ստեղծագործությունները:
Երեւանում ծնված Մարտիրոսյանը 1993-ին ընդունվել է Փարիզի կոնսերվատորիան (Ժակ Ռուվիերի դասարան): Համերգներ է տվել եւ բարձր գնահատվել աշխարհի շատ երկրներում:
Լոնդոնաբնակ Չաուշյանը նույնպես մեծապես գնահատված է աշխարհում: Մրցանակներ է ստացել Վերոնայում (Իտալիա) կայացած «Պրեմիո Մոցարտի» եւ Հոլանդիայում մեկնարկած միջազգային երաժշտական մրցույթներում: Այս մասին է տեղեկացնում «Արմինյն միրոր սփեքթեյթր» շաբաթաթերթը:
Հ. Ծ.