«Բանանցն» Անթալիայում ստուգողական 2-րդ հանդիպումն անցկացրեց: Մրցակիցը Ղրղզստանի չեմպիոն «Դորդոյ-Դինամոն» էր: Նախորդ հանդիպման համեմատ «Բանանցի» գլխավոր մարզիչ Ստեւիցա Կուզմանոսկին թիմի մեկնարկային կազմում մի քանի փոփոխություն էր կատարել: Ողջ խաղի ընթացքում «Բանանցը» որոշակի առավելություն ուներ ու կարողացավ այն իրացնել: Բրազիլացի Դու Բալայի եւ Արսեն Բալաբեկյանի խփած գոլերի շնորհիվ «Բանանցը» հաղթեց 2-0 հաշվով: Հաջորդ հանդիպումը «Բանանցը» կանցկացնի մարտի 13-ին Կրասնոդարի «Կուբանի» հետ:
ԱՇՈՏ ՀԱՅՐԱՊԵՏՅԱՆ