Այսօր` ժամը 18-ին, Մատենադարանին հարող տարածքում կկայանա Հայ ազգային կոնգրեսի այս տարվա երկրորդ հանրահավաքը:
Հանրահավաքում ելույթով հանդես կգա նաեւ ՀԱԿ առաջնորդ, ՀՀ առաջին նախագահ Լեւոն-Տեր Պետրոսյանը:
Դեռ մարտի 1-ի հանրահավաքում հայտարարվել էր, որ ապրիլի 6-ի հանրահավաքի օրը պատահաբար ընտրված չէ. Մարդու իրավունքների միջազգային ֆեդերացիայի նախաձեռնությամբ ապրիլի 6-ին Երեւանում կմեկնարկի «Արդարադատություն. անկախ դատարանի առջեւ արդյունավետ պաշտպանության իրավունք. նոր մարտահրավերներ» թեմայով համաժողովը: