Մոսկվայում երեկ մեկնարկած ԱՊՀ երկրների պաշտպանության նախարարների համաժողովում նախարարները համաձայնեցրել են այն միջոցառումների պլանները, որոնք կապված են Հայրենական մեծ պատերազմի հաղթանակի 65-րդ տարեդարձի տոնակատարության հետ: Այդ մասին ՌԻԱ «Նովոստիին» հայտնել Է Համագործակցության պաշտպանության նախարարների խորհրդի քարտուղարության մամուլի քարտուղար Միխայիլ Սեւաստյանովը: Նա նաեւ տեղեկացրել է, որ նիստում քննարկվել են քսանից ավելի հարցեր, որոնք վերաբերում են ԱՊՀ-ի ռազմական գերատեսչությունների գործակցությանը` տարբեր ոլորտներում: «Հաղթանակի 65-րդ տարեդարձի տոնակատարության նախօրեին հանդիպման մասնակիցները քննարկեցին հոբելյանական հանդիսությունների կազմակերպման, զոհվածների հիշատակի հավերժացման ոլորտում գործակցության եւ հաղթողների սերնդի ապրող ներկայացուցիչների նկատմամբ հոգատարության դրսեւորման հարցերը», ասել Է Սեւաստյանովը:
Նիստի սկզբում մասնակիցները ընդունել են դիմումՙ ուղղված Հայրենական մեծ պատերազմի վետերաններին եւ բարեկամ բանակներում ծառայող զինվորականներին: