Հայաստանի հավաքականը հաղթանակով մեկնարկեց Կարեն Դեմիրճյանի անվան մարզահամերգային համալիրում անցկացվող տափօղակով հոկեյի աշխարհի C խմբի առաջնությունում: Մեր հոկեյիստները մեկնարկային խաղում 9-2 հաշվով պարտության մատնեցին Հարավաֆրիկյան Հանրապետության հավաքականին:
Աշխարհի առաջնության 2-րդ հանդիպումը Հայաստանի հավաքականն անցկացրեց ԿԺԴՀ-ի հոկեյիստների հետ, որոնք նախորդ օրը 22-1 հաշվով ջախջախիչ պարտության էին մատնել Մոնղոլիայի հավաքականին: Երկրորդ հանդիպումն էլ մեր հոկեյիստները հաջող անցկացրին եւ հաղթեցին 7-6 հաշվով:
Նշենք, որ աշխարհի առաջնության B խմբի միակ ուղեգիրը կվիճարկեն երեւանյան մրցաշարում 1-ին եւ 2-րդ տեղերը զբաղեցրած հավաքականները: Բացի B խմբի ուղեգրից, հաղթողն իրավունք կստանա մասնակցելու 2014-ի ձմեռային օլիմպիադայի հոկեյի մրցաշարի ընտրական փուլի հանդիպումներին:
ԱՇՈՏ ՀԱՅՐԱՊԵՏՅԱՆ