Ֆուտբոլի Հայաստանի ազգային հավաքականը 7 հորիզոնականով առաջադիմել է ՖԻՖԱ-ի դասակարգման աղյուսակումՙ զբաղեցնելով 99-րդ տեղը: Ադրբեջանի հավաքականը պահպանել է տեղը 110-րդ հորիզոնականում, իսկ վրացիները մեկ հորիզոնականով նահանջել են եւ այժմ 119-րդն են:
Եվրո-2012-ի ընտրական մրցաշարում ՀՀ հավաքականի մրցակիցներից ամենաբարձր վարկանիշն ունի Ռուսաստանի ընտրանին, որը 11-րդ տեղում է: Սլովակիայի հավաքականը 5 տեղով նահանջել է եւ զբաղեցնում է 38-րդ հորիզոնականը: Մեկ աստիճանով բարձրացել եւ 43-րդ տեղում են հանգրվանել իռլանդացիները: Մակեդոնացիներն էլ 5 տեղով առաջադիմել են (60-րդ տեղ), իսկ Անդորրայի հավաքականը պահպանել է իր 201-րդ տեղը:
ՖԻՖԱ-ի դասակարգման ցուցակը գլխավորում է աշխարհի հնգակի չեմպիոն Բրազիլիայի հավաքականը: Լավագույն տասնյակում են Իսպանիայի, Պորտուգալիայի, Հոլանդիայի, Իտալիայի, Գերմանիայի, Արգենտինայի, Անգլիայի, Խորվաթիայի եւ Ֆրանսիայի հավաքականները:
ԱՇՈՏ ՀԱՅՐԱՊԵՏՅԱՆ