Գերմանիայի մարդու իրավունքների նորանշանակ հանձնակատար Մարկուս Լյոնինգը (Ազատ դեմոկրատական կուսակցություն) մայիսի 4-ին «Դեր թագեսշպիգել»-ին տված հարցազրույցում մանրամասնում է իր ուշադրության առանցքում գտնվող խնդիրներըՙ պայքար մահապատժի դեմ եւ մամուլի ազատության համար:
«Բոլոր ազատությունների մայրը մամուլի եւ կարծիքի ազատությունն է: Որտեղ անհատն իրավունք ունի ազատ արտահայտվելու, որտեղ լրագրողներն ազատ են իրենց հրապարակումներում, այնտեղ բռնակալները երկար չեն մնում», ասել է հանձնակատարը եւ օրինակ բերել. «Հարավային Կովկասի հանրապետություններըՙ Հայաստանը, Վրաստանը, Ադրբեջանը, մամուլի ազատության խնդիրն ունեն, բայց ուզում են ԵՄ-ի հետ սերտորեն համագործակցել: Մենք պիտի այդ համագործակցությունը պայմանավորենք նրանով, որ նրանք երաշխավորեն մամուլի ազատությունը», ասել է ԳԴՀ մարդու իրավունքների հանձնակատարը:
ԱՆ. Հ., Գերմանիա