Նալչիկում ընթացող շախմատի կանանց Գրան պրիի մրցաշարի 7-րդ տուրում Էլինա Դանիելյանը կրկին պարտվեցՙ զիջելով Ժաո Քսյուին: Լիլիթ Մկրտչյանը ոչ-ոքի խաղաց Նանա Ձագնիձեի հետ: Դանիելյանը մեկ միավորով եզրափակում է աղյուսակը, իսկ Լիլիթը 3 միավորով Բաիրա Կովանովայի եւ Բաթյուհագ Մոնգոնտուլի հետ բաժանում է 7-9-րդ տեղերը:
Մրցաշարի միանձնյա առաջատար Տատյանա Կոսինցեւան ոչ-ոքի խաղաց Համփի Կոներուի հետ ու վաստակեց 6 միավոր: Երկրորդ տեղում 5 միավոր ունեցող Հոու Յիֆանն է, որը հաղթեց Մոնգոնտուլին: 4,5-ական միավոր են վաստակել Պիա Կրամլինգն ու Ժու Չենը: Կրամլինգը հաղթեց Կովանովային, Ժու Չենն առավելության հասավ Յիլդիզի նկատմամբ:
ԱՇՈՏ ՀԱՅՐԱՊԵՏՅԱՆ