Անանդ-Թոփալով շախմատային մրցամարտի 9-րդ պարտիան երկարատեւ պայքարից հետո 83-րդ քայլում ավարտվեց ոչ-ոքի: Անանդը հենց սկզբից փորձեց առավելություն ստանալ, իսկ Թոփալովը ողջ ուժերով պաշտպանվում էր: Սպիտակներով խաղացող Անանդը թագուհին փոխանակեց մրցակցի երկու նավակների հետ: Թեեւ առավելությանը, աշխարհի չեմպիոնին չհաջողվեց հասնել հաղթանակի: Թոփալովը վերջնախաղում հավերժական շախի միջոցով հասավ ոչ-ոքի արդյունքի:
Այսպիսով, 9 տուրից հետո հաշիվը հավասար էՙ 4,5-4,5: Մրցամարտի ավարտին մնաց 3 տուր, եթե իհարկե հարկ չլինի լրացուցիչ մրցախաղ նշանակել:
ԱՇՈՏ ՀԱՅՐԱՊԵՏՅԱՆ