Փարիզի այսօրվա Եվրոպայի խորհրդի խորհրդարանական վեհաժողովի մոնիտորինգի հանձնաժողովը իր նիստում օրակարգային է նշել Հայաստանի հարցը, որ սակայն, քննարկելու հավանականություն ունենալու առնչությամբ հստակ գնահատական չի կարող ունենալ: Հնարավոր է, որ վեհաժողովի հունիսյան նստաշրջանում բավականին երկար կուլիսային քննարկումներում միայն բարձրաձայնված հայաստանյան հարցերը դառնան մեծ օրակարգի մաս, հատկապես որ հայ-թուրքական գործընթացը սառեցված վիճակում է ու չի կարող այլեւս դիտարկվել որպես մի գործընթաց, որին ԵԽԽՎ-ն չէր ցանկանա խանգարել Հայաստանի մասին տարբեր խնիդրներ բարձրացնելով վեհաժողովում:
Հետաքրքրական է, որ այս անգամ Փարիզի հանդիպման օրակարգային առաջին հարցը գոնե նախագծային մակարդակով նշված է Ադրբեջանում ժողովրդավարական հաստատությունների գործունեության հարցը, որի առնչությամբ պատրաստվել է ինչպես զեկույցի, այնպես էլ բանաձեւերի նախագիծ:
Հայաստանի հարցն օրակարգի նախագծում նշված է Վրաստանի, Ռուսաստան-Վրաստան պատերազմի հետեւանքներին առնչվող հարցի, Ալբանիայի մոնիտորինգային արդյունքների քննարկումից հետո: Մոնիտորինգի հանձնաժողովն այսօր անդրադառնալու է նաեւ Մոլդովային, Բոսնիա-Հերցեգովինային, Թուրքիայի հետ հետմոնիտորինգային երկխոսությանը, նաեւ հոկտեմբերի 19-20-ին Երեւանում նախատեսված Ժողովրդավարության ապագայի հարցերի համաժողովին:
Ա. ՀԱՐՈՒԹՅՈՒՆՅԱՆ