Ֆուտբոլի ազգային հավաքականները շարունակում են փորձարկել ուժերն ընկերական հանդիպումներում: Եվրո-2012-ի ընտրական մրցաշարում Հայաստանի հավաքականի մրցակիցներից մեկըՙ Իռլանդիայի հավաքականը սեփական հարկի տակ 2-1 հաշվով պարտության մատնեց պարագվայցիներին: Արդեն 7-րդ րոպեին Դոյլը բացեց հաշիվը, ապա Լոուրենսը 2-րդ գոլը խփեց: Ընդմիջումից հետո Բարիոսը կրճատեց հաշիվը:
Վրաստանի ընտրանին հյուրընկալել էր Կամերունի հավաքականին, որի կազմում բացակայում էր Սամյուել Էտո՛Օ-ն: Դարպասները մնացին անառիկ: Ոչ-ոքի գրանցվեց նաեւ Հունաստանի եւ ԿԺԴՀ-ի հավաքականների մրցավեճում, սակայն մրցակիցները 2-ական գնդակ փոխանակեցին: Հաշիվը չբացվեց նաեւ Նիգերիա-Սաուդյան Արաբիա մրցախաղում: Ուկրաինայի հավաքականը Խարկովում 4-0 հաշվով ջախջախեց լիտվացիներին: Իր օգտին 2 գոլ գրանցեց Անդրեյ Շեւչենկոն: Հյուրընկալվելիս ալբանացիները 1-0 հաշվով հաղթեցին Չեռնոգորիայի հավաքականին: Չեխերն էլ արտագնա խաղում պարտության մատնեցին ԱՄՆ-ի ընտրանուն (4-2):
ԱՇՈՏ ՀԱՅՐԱՊԵՏՅԱՆ