Մայիսի 22-ին Բեյրութի «Ֆինիշյա» հյուրանոցի դահլիճում տեղի ունեցած Հայ ավետարանական քոլեջի հանդիսավոր ճաշկերույթի ժամանակ մեծարանքի պատիվների են արժանացել քոլեջի վարչության նախկին եւ այժմյան նախագահներ դոկտ. Արտա Էքմեքչին եւ տիկին Ռուբինա Արթինյանը, երկուսն էլ կրթօջախին իրենց 25-ամյա նվիրվածության համար, տեղեկացնում է այդ առթիվ խմբագրությանը հասցեագրված հաղորդագրությունը:
Միջոցառումը կայացել է Լիբանանի վարչապետ Սաադ Հարիրիի հովանավորությամբ: Նրան ներկայացրել է պետքարտուղար Ժան Օղասափյանը, ով անակնկալ մատուցելով ընթերցել է երկրի նախագահի հրամանագիրը քոլեջի տնօրեն դոկտ. Զավեն Մսրըրլյանին շնորհելու ակնառու կրթական գործչի մեդալըՙ նրա 50-ամյա անբասիր գործունեության համար, որոնցից 43-ըՙ որպես Հայ ավետարանական քոլեջի տնօրեն, եւ ներկաների բուռն ծափահարությունների ներքո հանձնել մեդալը հոբելյարին: Դոկտ. Մսըրլյանը պատմաբան է, բազմաթիվ գրքերի հեղինակ եւ դասախոս:
Երեկոյի ընթացքում հնչել է Հրաչ Իսահակյանի նվագախմբի երաժշտությունը: Երգիչ Վիգեն Դարբինյանին ընկերակցել է դաշնամուրի վրա Փարիզից հատուկ ժամանած Պատրիկ Պերիերասը:
Հ. Ծ.