Ռումինիայում ընթացող շախմատի մրցաշարի 8-րդ տուրն էլ հաջող էր Գրիգոր-Սեւակ Մխիթարյանի համար, որը սեւերով հաղթեց գրոսմայստեր Ալեքսանդր Ֆիեռին: Հայ շախմատիստը վաստակեց 6,5 միավոր եւ հանգրվանեց 4-րդ տեղում: Նույնքան միավոր ունեն նաեւ Բորիս Շաթալբաշեւը, Մաքսիմ Տուրովը, Ալեքսեյ Ֆյոդորովը եւ Մարիուս Մանոլախեն: Նրանք առաջատար Դանիել Վոկատուրոյին զիջում են ընդամենը կես միավոր:
Վոկատուրոն սեւերով ոչ-ոքի խաղաց Բորիս Շաթալբաշեւի հետ: Հաշտություն կնքեցին նաեւ Տուրովն ու Ֆյոդորովը, իսկ Մանոլախեն պարտության մատնեց Կոնստանտին Լուպուլեսկուին:
9-րդ տուրում Մխիթարյանը սպիտակներով կխաղա Մաքսիմ Տուրովի հետ: Վոկատուրոյի մրցակիցը կլինի Մարիուս Մանոլախեն, Ֆյոդորովն էլ կմրցի Շաթալբաշեւի հետ: Մրցաշարի ավարտին մնացել է 3 տուր:
ԱՇՈՏ ՀԱՅՐԱՊԵՏՅԱՆ