«ԱԶԳ» ՕՐԱԹԵՐԹ

ԿԱՐԵՆ ՄՈՎՍԻՍՅԱՆՆ ԱՌԱՋԱՏԱՐՆԵՐԻ ԹՎՈՒՄ Է

Գրոսմայստեր Կարեն Մովսիսյանը հաջող է հանդես գալիս իսպանական Սիտգես քաղաքում անցկացվող մրցաշարում: 5 տուրից հետո նա 4,5 միավորով Վիկտոր Մոսկալենկոյի եւ Խոսե Գոնսալեսի հետ բաժանում է 2-4-րդ տեղերը: Առաջատարն Ուզբեկստանը ներկայացնող Ալեքսեյ Բարսովն է, որը վաստակել է 5 միավոր:

Կարեն Մովսիսյանը մեկնարկում 4 անընդմեջ հաղթանակ տոնեցՙ հաջորդաբար պարտության մատնելով Անտոնի Ռուրեին, Հոլգեր Լեհմանին, Սուբիրանա Կապելադեսին ու Լազարո Լորենցոյին: Միայն 5-րդ տուրում Խոսե Գոնսալեսն ընդհատեց Մովսիսյանի հաղթարշավըՙ ոչ-ոքի ավարտելով պարտիան:

ԱՇՈՏ ՀԱՅՐԱՊԵՏՅԱՆ