«ԱԶԳ» ՕՐԱԹԵՐԹ

ՆԱԼԲԱՆԴՅԱՆԸ ԴՈՒՐՍ ՄՆԱՑ ՊԱՅՔԱՐԻՑ

Թենիսի ԱՄՆ բաց առաջնությունում պայքարից դուրս մնաց Դավիթ Նալբանդյանը, որը 3-րդ փուլում պարտվեց իսպանացի Ֆեռնանդո Վերդասկոյին (2-6, 6-3, 3-6, 2-6): 3-րդ փուլի արգելքն էլ հաջողությամբ հաղթահարեցին Ռաֆայել Նադալն ու Ռոջեր Ֆեդեռերը: Նադալն առավելության հասավ ֆրանսիացի Ժիլ Սիմոնի նկատմամբ (6-4, 6-4, 6-2), իսկ Ֆեդեռերը պարտության մատնեց Փոլ Անրի Մաթյեին (6-4, 6-3, 6-3):

Պայքարը շարունակում են նաեւ Ֆելիսիանո Լոպեսը, Դավիթ Ֆեռերը, Սեմ Կերին, Ռիշար Գասկեն, Գել Մոնֆիսը, Մարդի Ֆիշը, Նովակ Ջոկովիչը, Ռոբին Սոդեռլինգը, Ալբերտ Մոնտանյեսը, Յուրգեն Մելցերը: