Մադրիդում ֆուտբոլի բարեգործական հանդիպում անցկացվեց գործող եւ ելույթներն ավարտած ֆուտբոլիստներով կազմավորված թիմերի միջեւ: Խաղի նախաձեռնողներն էին Մադրիդի «Ռեալի» դարպասապահ Իկեր Կասիլյասն ու նրա նախկին թիմակից Լուիշ Ֆիգուն: Բացի նրանցից, հանդիպման մասնակիցների թվում էին նաեւ Ֆեռնանդո Հիեռոն, Մանոլո Սանչիսը, Էմիլիո Բուտրագենիոն, Քրիստիան Կարեմբյուն, Զինեդին Զիդանը, Գուտին, Օսվալդոն, Էստեբան Գրաներոն, Պաուլո Ֆուտրեն, Ռուի Կոշտան, Ֆեռնանդո Կոուտուն եւ այլ անվանի ֆուտբոլիստներ:
5-4 հաշվով խաղը շահեցին Ֆիգուի թիմակիցները: Հաղթողներից 2 գոլ խփեց Գրաներոն, մեկական անգամ աչքի ընկան Բուտրագենիոն, Ֆուտրեն եւ Ֆիգուն: Կասիլյասի թիմից 2-ական գոլի հեղինակ դարձան Օսվալդոն եւ Գուտին: