Կիպրոսում ուսումնամարզական հավաք անցկացնող «Միկայի» ֆուտբոլիստներին շարունակում են հետապնդել անհաջողությունները: Թիմը հերթական պարտությունը կրեցՙ 0-1 հաշվով զիջելով Կուրսկի «Ավանգարդին»: Հանդիպման միակ գոլը խփվել է 71-րդ րոպեին:
«Միկայից» հեռացել է իսպանացի կիսապաշտպան Ուլիսես Մոնտենեգրոն, որը 2 մրցաշրջան հանդես էր եկել թիմում: Անցած տարի նա ծանր վնասվածք ստացավ: Ապաքինվելուց հետո Մոնտենեգրոն առայժմ չի կարողանում վերականգնել խաղային իր ունակությունները: Նա մրցաշրջանի ավարտից հետո հեռացել էր «Միկայից», հետո հունվարի վերջին կրկին միացել էր թիմինՙ մասնակցելով ուսումնամարզական հավաքին: